خطير جدا الدولة علي حافة الافلاس ! صيحت فزع😮

مختصر الحديث : البلاد هاذي ماشية و تفلس، خاطر عندها ستة سنين تصرف برشة و ما تدخل في شيء، و عندها على الأقل 4 سنين تتسلف باش تخلص الشهاري، خاطر ما عندها حتى حل آخر. الحلول الأخرى كلها (محاربة الفساد و التهرب
الجبائي، إصلاح المنظومة البيروقراطية، إعادة هيكلة المؤسسات العمومية، ...) لازمها سنين طويلة باش تبدأ
تعطي نتيجة، و الإرادة السياسية للإصلاح كانت غائبة تماما.
مختصر الحديث : يا تتسلف توة، و من عند أرخص واحد قابل باش يسلفك، يا باش تلقى روحك بعد أشهر قليلة عاجز عن دفع الأجور.

الشيء هذا يعرفوه كل السياسيين، حكام و معارضة، أما لازم في كل مرة نعاودو نفس المعبوكة، مع تبادل الأدوار بعد كل انتخابات، خاطر الحاكم ما يحبش هذا يصير في عهدو، و المعارض يعرف اللي هذاكة آش باش يصير، أما يحب يلعب دوره حتى النهاية.

هذاكة الواقع، توة تنجموا تصنعوا واقع بديل على كيفكم و تفرقوا المسؤوليات و تتهموا بعضكم بالفساد و الخيانة و العمالة و التسور و الاقتحام، أنا خارج كونجي، سلام
عن هيثم المكي